Kiroptero edo saguzarren taldeak garrantzia berezia du kontzerbazio biologiaren eta zoologiaren ikuspegitik, izan ere, aniztasun handiko fauna taldea izanik, espezializazio berezia erakusten dute.
Euskal Autonomia Erkidegoan ezagutzen diren 25 kiroptero espezieak Espezie Mehatxatuen Euskal Katalogoan sartuta daude, horietako 6 galtzeko arriskuan kategorian, 6 kaltebera kategorian eta beste 13 interes bereziko kategorian.
Hala ere, EAEn eta Gipuzkoan ez dugu zehatz-mehatz ezagutzen espezie ezberdinen egungo banaketa eta ugaritasuna. Hori ikusirik, Naturtzaindia Elkarteak kiropteroen inguruko jakintza aberastu nahi du eta horretarako kaleratu ditu iazko kanpainako emaitzak, helburu dituena espezie hauek kontserbatzeko oinarrizko informazioa ematea.
Lan horren baitan Gipuzkoako Lurralde Historikoan aurki ditzakegun kiropteroen inbentarioa egin da eta hauen banaketa berriskusteko informazioa bildu da.
Hurrengo dokumentu honetan Naturtzaindia Elkarteak 2019an egindako lehen laginketa-kanpainaren emaitzak eskaintzen dira:
NATURTZAINDIA 